Предупреждение
  • JUser: :_load: Не удалось загрузить пользователя с ID: 572
29 Апреля 2017
19 августа сего года в Москве медиакомпания Tajinfo приобрела популярный радио-канал «Муходжир», вещающий в режиме онлайн во всемирной паутине. Стороны, в том числе прежние владельцы ресурса – уроженцы Таджикистана Рахим Каландаров и Тохир Хамдамов, сумму сделки не раскрывают, ссылаясь на политику конфиденциальности.

Новости (60)

ФОРСАЖ -низоми ҷадиди интиқоли маблағ ба Тоҷикистон


Почтаи Россия ва Связ-Банк низоми ҷадиди интиқоли маблағро бо унвони Форсаж-Близко-СНГ роҳандозӣ кард
Дар радифи рақобатҳои бошиддати низоми байналмиллалии бонкӣ таъмини кафолати маблағҳои интиқолшаванда яке аз масъалаҳои мубрам ба шумор меравад. Дар ҳамоише, ки дар шаҳри Москваи ФР бо иштироки намояндагони низоми бонкӣ, мутахассисони соҳа, Сафорати ҶТ дар ФР, Намояндагии Вазорати меҳнат, муҳоҷират ва шуғли аҳолии ҶТ дар ФР оид ба муҳоҷират ва доираи васеи ВАО баргузор гардид, масъалаҳо вобаста ба кафолати давлатии низоми ҷадиди интиқоли маблағҳо дар ҳудуди кишварҳои ИДМ баррасӣ шуд.
Айни замон бозори байналмиллалии интиқоли маблағ давраи рақобатҳои носолимро аз сар мегузаронад. Мувофиқи таҳлили коршиносон сабаби асосии ин вазъ дар маҳдудшавии доираи хизматрасониҳо ва мавҷуд набудани манбаҳои дигари даромад аз фаъолият маънидод мешавад. Соли равон муфлисшавӣ ва ё маҳдуд шудани имконоти низомҳои интиқоли маблағ, ки бо унвони Мигом миёни миллионҳо муштариён маъмул буд, аз пайомадҳои манфии ин раванд шаҳодат медиҳад. Ба қавли дигар низомҳои номбурда дар семоҳаи аввали соли равон натавонистанд ӯҳдадориҳои хешро бобати интиқоли маблағ дар назди муштариён ба пуррагӣ ба сомон бирасонанд. Аз муфлисшавии системаи Мигом натанҳо бонкҳои Россия ва кишварҳои ИДМ, балки шаҳрвандони оддие, ки тавассути ин низом маблағ равон карда буданд, зарари ҷиддӣ диданд.
- Пӯшида нест, ки ҳамкорони мо аз Тоҷикистон ва дигар давлатҳои ИДМ борҳо масъалаи иштирок надоштани сохторҳои пурқудрати давлатиро дар бозори интиқоли пул, ба миён гузошта буданд. Боиси таъасуф шуд, ки ду – се соли охир, рақобати шадид дар ин самт ба демпинги ин гуна хизматрасонӣ оварда расонид. Поёнравии назарраси тарофаҳо боиси заиф гаштани на танҳо низомҳои интиқоли, балки бонкҳои шарики онҳо дар Тоҷикистон ва дигар давлатҳои ИДМ гардид. Кор то ба ҷое расид, ки интиқоли маблағ зараровар гардид. Ин буд сабаби муфлисшавии яке аз кӯҳнатарин ситемаҳои интиқоли маблағ - МИГОМ. Мо ташвиши ҳамкорони тоҷики худро ба хубӣ дарк мекунем, чунки интиқоли маблағҳо дар Россия суғурта намешавад. Аз ин рӯ бозори интиқоли маблағ кайҳо нигарони рӯи кор омадани чунин иштирокчиёни пурқуввати давлатиро нигарон буд, - мегӯяд Андрей Лайков, ҷонишини раиси Связ- банк.
Бо мақсади пешгирӣ намудани чунин ҳолатҳо ва таъмини бемамонияту мӯътадили интиқоли маблағҳо Почтаи Россия ва Связ-Банки Россия низоми ҷадиди интиқоли маблағро бо унвони Форсаж-Близко-СНГ роҳандозӣ кард.
- Дар ҳақиқат, Почтаи Россия яке аз иштирокчиёни муҳими бозори интиқоли маблағ ба шумор рафта, дар ин ҷода имконият ва таҷрибаи ғанӣ дорад, чи аз лиҳози техникӣ ва чӣ аз лиҳози ташкилу рушд. Афзалияти дигар дар он аст, ки имрӯз аз кишварҳои ИДМ шаҳрвандони зиёд ба кору фаъолият меоянд ва барои онҳо пешниҳод намудани низоми қулай, дастрас ва самараноку боэътимоди интиқоли маблағ хеле муҳим аст, - қайд мекунад Владимир Салохутдинов, ҷонишини директории генералии Почта Россия.
Дар шароити феълӣ аз 10 то 50 фоизи шахсони қобили кор дар кишварҳои ИДМ ё пул равон мекунанд ё қабул мекунанд. Аз ин лиҳоз ҷанбаи иҷтимоии ин лоиҳа аз нигоҳи ташаббускорон дар мадди аввал меистад.
Қабл аз ҳама афзалияти низоми Форсаж-Близко дар кафолати давлатии маблағҳои интиқолшаванда, потенсиали пуриқтидор ва истифодаи усулҳои муосири хизматрасонии бонки маънидод мешавад. Айни замон аз 42 ҳазор дар 26 ҳазор шӯъбаи Почтаи Россия дар манотиқи гуногуни федератсия бо низоми Форсаж-Близко интиқоли маблағ имконпазир шудааст.

Подробнее ...

Тоҷикистониён дар Москва Рӯзи ваҳдати миллиро ҷашн гирифтанд

Ҳамватанони мо дар шаҳри Москва низ Рӯзи ваҳдати миллиро ҷашн гирифтанд. Бо ибтикори медиа-холдинги тоҷикии Таджинфо дар кохи киною-консертии «Мир» намоиши идона бо номи «Сулҳ ба хонадони ту, Тоҷикистон!» баргузор гардид, ки дар он зиёини тоҷикистонии муқими Русия, донишҷӯён ва аспирантҳои макотиби олии Москва, раисон ва аъзои фаъоли диаспораи миллии тоҷикон аз шаҳру навоҳии мухталифи Россия, муҳоҷирони меҳнатӣ ва намояндагони дигар халқияту миллатҳои Русия иштирок намуданд. Дар оғози барнома дар экрани бузург фильми мустанади истеҳсоли Шабакаи аввали Телевизиони Тоҷикистон «Наҷотбахши миллат» ба маърази намоиш гузошта шуд. Ҳозирин ҳини тамошои ин филм ба саҳифоти таърихӣ гуфтушунидҳои миёни тоҷикон, равандҳои расидан ба сулҳу субот дар кишвар ва заҳматҳои пайдарпайи Президенти мамлакати мо Ҷаноби Олӣ Эмомалӣ Раҳмон ошно шуданд. Пасон бо иштироки ҳунармандони тоҷик - шоу-ансамбли карнайнавозони «Садои Хуҷанд», гурӯҳи рақсии «Гулчин», ҳунарманди шоистаи ҷумҳурӣҲасани Ҳайдар ва овозхони ҷавон ЗоъириСафарзод консерти идона баргузор гардид. Ҳозиринро Сафири Фавқулодда ва Мухтори Тоҷикистон дар Россия Имомуддин Сатторов, ки ба тозагӣ ба ин вазифа таъин шудааст, бо иди Ваҳдат табрик намуда, аз ҷумла гуфт, ки дар асоси дастури маслиҳатҳои Президенти кишвар кӯшиш мекунад фаъолияти Сафоратро дар ҳошияи дигар самтҳои муҳими ҳамкориҳои Тоҷикистону Россия, дар бобати ҳимояи ҳуқуқ ва дастгирии муҳоҷирони меҳнатии мо дар қаламрави кишвар, баланд бардоштани нуфузи тоҷикон дар Россия ва фароҳам овардани симои накӯи кишвару миллати тоҷикон пурзӯр хоҳад кард.

Дар рафти тантанаи идона таъкид бар он шуд, ки чуноне роҳбари давлат борҳо ҳушдор додааст, тоҷикистониён ҳар куҷое кору зиндагӣ накунанд, бояд ба сулҳу ваҳдати миллӣ эҳтиром гузоранд, ин неъмати бебаҳоро чун гавҳараки чашм нигаҳ доранду ҳифз намоянд.
Ҳамчунин ҳозиринро меҳмонони ҷашн муовини директори «Почтаи Россия» Владимир Салохутдинов, роҳбари Системаи интиқоли маблағҳо «Близко» Андрей Лайков, президенти Бунёди минтақавии дастгирии ниёзмандон ва рушди ҳамкориҳои байналмилалӣ Герман Пашаев бо ин тантанаи миллии тоҷикон табрик намуда, хостори амният, сулҳу субот дар кишвари мо шуданд.
Дар поёни тантана сухани хотимавиро кӯҳансолтарин намояндаи тоҷикистонёни Русия, шореҳи рӯзномаи «Тоҷикони Россия», пирамарди 72 сола Алексей Авганов гуфта, аз насли ҷавон хоҳиш кард, ки ба қадри Ватан, миллат ва сарзамини бобоӣ бирасанд, сулҳ ва ризоияти миллиро таҳким бахшанд.

 

Подробнее ...

Хайриддин хост ва шуд...

Бехуд нагуфтаанд, ки хостан тавонистан аст. Агар бихоҳӣ, мешавад. Агар барномаҳои омӯзишии Хайриддин Абдуллоҳ набуд, Худо медонад, муҳоҷирони кории тоҷик дар Русия авқоти фароғати худро бо чӣ корҳое мегузарониданд. Ин ҷавони тоҷик бо ташаббуси шахсӣ, ибтидо бо чанд нафари маъдуд корашро шурӯъ кард. Аммо ҳаминак дар 12 маркази омӯзишӣ ба тадриси забон ва хатти порсӣ барои муҳоҷирони тоҷик машғул аст.

Худаш мегӯяд: “Кунун дар шаҳри Москави Русия, зиёда аз 12 марказҳои бозомӯзӣ барои муҳоҷирини порсизабон муҳайё карда шуд, ки эшон метавонанд пас аз интиҳои соатҳои корӣ дар марказҳои мазкур омада, аз омӯзиши ройгон, мин ҷумла Қуръон, фиқҳи ҳанафӣ, ҷомеъашиносӣ, равоншиносӣ, хат ва забони порсиро аз худ кунанд.”
Хайриддин Абдулло дар гуфтугӯ бо пойгоҳи Кимиёи саодат меафзояд: “Фаъолияти марказҳои мазкур бо риояи ҳама гуна қонунҳои давлати Русия ва зери назари Муфтиёт фаъол аст, ки пас ба итмом расонидани таҳсил ҳар яке аз муҳассилин дорои шаҳодатнома ва диплом хоҳанд шуд. Бинобар ин, аз муҳоҷирони азиз даъват ба амал меорам, вақтҳои холии худро беҳуда нагузаронанд ва ба омӯзиш машғул шаванд.”
Вай дар бораи фаъолияти тоҷикҳо дар Русия ёдовар шуд: “Беш аз 75 дарсади намозгузорони масҷидҳои Маскав тоҷиконанд ва инчунин дар ҳар масҷид мушовирону мудариссону муаззинонаш ҳам аз тоҷиканд. Ҳофизони Қуръон ва донишмандони дин аз байни муҳоҷирон бисёранд. Пӯшида нест, ки раисиҷумҳури Чеченистон Рамазон Қодиров баъди масҷиди бузург ва дар канори он мадраса сохтанаш яъне дар маркази пойтахти кишвараш шаҳри Грозный, мударрисону мушовирону муаззинҳоро хусусан аз тоҷикон қарор дод, ки дар яке аз суханрониҳояш ҳам ба ин матлаб ишора кард ва гуфт, ки “миллати порсизабони тоҷик дар ҳар соҳаи илми диниву дунявӣ дар ҳар аср поягузор ва устод буданд.”
Хайриддини Абдуллоҳ афзуд: “Ва ишораи Қодиров ҳам дуруст аст; зеро поягузори тамоми илмҳои диниву дунявӣ порсизабонҳо ва тоҷиконанд. Ба унвони мисол, дар илми Қуръон Ҳусайн Воизи Кошифӣ, ки соҳиби Тафсири Ҳусайнист, ва дар илми фиқҳ, ки поягузори ин илми ва устоди тамоми фуқаҳо Имом Абӯҳанифа аст. Ва асосгузори илми ҳадис, ки ҳама тоҷикон буданд, ба мисоли Имом Бухорӣ, Имом Муслим, Имом Тирмизӣ, ва асосгузори илми торих Табарист. Ва инчунин асосгузори илмҳои дунявӣ ҳам ҳама бешак тоҷикон буданд, ба мисоли Абуалӣ ибни Сино, Берунӣ, Форобӣ, Закариёи Розӣ ва ҳазорон донишмандони дигар, ки дар сар то сари ҷаҳон машҳуранд.”
Хайриддин Абдуллоҳ дар идома хотирнишон кард: “Дар ҳоле ки мо фарзандони чунин бузургонем, мо тоҷикон ҳаққе надорем, ки бедониш гардем ва ё агар донишмандем дониши худро ба касе наомӯзем, новобаста дар чӣ шароите, ки набошем.”
Вай афзуд: “Ман аз он мефахрам, ки дар ин кишвар ҳар кӯдаки тоҷик муаллими пирони дигар миллатанд. Ман аз он мефахрам, ки ҳеҷ миллатеро дар баробари миллати худ дорои чунин бузургону фарҳанг намебинам.”
Хайриддини Абдуллоҳ дар идома ёдовар шуд: “Аммо афсӯс аз он мехӯрам, ки ҳамаи инҳо парокандаанд, касеро надорем, ки инҳоро гоҳ гоҳе сари як миз оварад, як маркази фарҳангие, ки инҳо дар онҷо гоҳ гоҳе ҷамъ шаванд.”

Подробнее ...

Оё муҳоҷирони меҳнатӣ ҳам касал мешаванд?

Духтур Абдулло Хоҷаев. Хатмкардаи факултаи табобатии Донишкадаи Давлатии Тиббии Тоҷикистон (1981) мебошад. Тахассусаш отоларингология (гушу гулуву бини). Солҳои 1988 – 1990 ординатураи клиникиро аз рӯи тахассуси мазкур дар ш. Тошканд хатм намудаст. Савияи касбиашро дар Донишкадаи Такмили Ихтисоси Духтурон дар Тошканд ва Донишкадаи Марказии Такмили Ихтисоси Духтурон (Маскав) сайқал додаст. Соли равон ба курси Тибби оилавӣ шомил гашта, таҷрибаву доираи донишҳои тиббиашро васеъ намудааст. Ба самтҳои паразитология (илм дар бораи паразитҳо-ҳаромхӯрҳои ҷисми инсон) аллергология (илм дар бораи бемориҳои аллергӣ), эндоэкология (экологияи муҳити дохилии инсон) таваҷҷӯҳи махсус дорад. Машғулияти дӯстдоштааш (хобби) кор бо технологияи компютерии Цветопсихосоматика - ташхиси якҷояи ҳолати равонӣ ва ҷисмонӣ ба воситаи компютер ва ба воситаи рангу мусиқии компютерӣ ба эътидол овардани онҳо мебошад.
Инчунин, модератори гуруҳи «Жить 100 лет и не болеть» дар Фейсбук аст. Орзу менамояд, ки ҳамзабонон дар талаби илм, дар он ҷумла, забондонӣ, ҷадал кунанд ва ҳамеша дар ҷустуҷуи маълумотҳои нав ба нав оиди нигаҳдориву изофа намудани тандурустӣ бошанд, дар мусоҳибаҳои гурӯҳи зикршуда, дар он ҷумла ба забони модарӣ, фаъолона иштирок намуда, фоидае бештар ба дасташон оранд, солиму дарозумр бошанд.
Пешниҳоди ҳамкорӣ.
Салом, хонандагони арҷманд!
Ман мехохам шумоён ҳамеша хушбахт, тансиҳат ва соҳиби кобилияти калони кориву донишандузӣ буда, такягоҳи боэътимоди аҳлу оилаатон бошед. Барои расидан ба ин максад ба шумоён ҳамкорие пешниҳод дорам. Сухан дар бораи ташкили рубрикаи «Бехи давлат - тани сиҳат» меравад. Дар чорчӯбаи фаъолияти он Шумо метавонед бо саволҳои худ оиди тандурустӣ ба моҳвора(ҳафтанома) муроҷиат намоед, метавонед таҷрибаи худро оиди сиҳатгардонӣ ё роҳҳои пешгирии касалиҳо ба дигарон гуфта диҳед. Мо мактубҳои Шумо, зангҳои телефонӣ, СМС ва мактубҳои электрониатон, инчунин саволҳову постҳоятонро дар гурӯҳи фейсбукии «Жить 100 лет и не болеть» ва «Бехи давлат – тани сиҳат» бо камоли хурсандӣ мепазирем. Ҳикоёти Шуморо дар бораи роҳҳову усулҳои ба даст овардани сиҳатӣ ё пешгирӣ намудани касалиҳо таҳрир намуда (агар зарурат бошад), дар рубрика ва гурӯҳ ҷойгир хоҳем кард, то ҳамагон аз он баҳра бардошта тавонанд.
Бино ба баъзе сарчашмаҳо, муайян гаштааст, ки синну соли муҳоҷирони меҳнатӣ аз 18 то 49 соларо дар бар мегирад. Албатта муҳоҷирони аз 18 ҷавонтар ва аз 49 соло боло ҳам ҳастанд, аммо онҳо ӄисми камтаринро ташкил медиҳанд ва ӄисми асосии муҳоҷирони меҳнатӣ аз мардон ва занони аз 18 то 34 сола иборат мебошад. Маълум мешавад, ки аксари муҳоҷирони меҳнатӣ ҷавонанд. Дар урфият мегӯянд, ки «Дар ҷавонӣ аз кор монда намешавӣ ва аз хӯрдан сер», яъне организмҳои ҷавонон дар тасаввури аксарият солим ва коршоям бояд бошад. Аммо, дар воӄеъият, дар байни муҳоҷирони ҷавон ҳам касалиҳои гуногун гоҳ - гоҳ рӯй медиҳанд. Зиёда аз он, як гурӯҳ касалиҳо маҳз бо синну соли ҷавон вобаста аст. Сухан дар бораи касалиҳои бо роҳҳои ҷинсӣ гузаранда меравад (касалиҳои венерикӣ;болезни передающиеся половым путём): мараз (сифилис), сӯзок (гонорея), триппер, Вируси Иммунодефитсити Одам (ВИЧ) ва ѓ.

Сабабҳои сироятёбӣ
Духтурони соҳаи марбута сироятёбии ҷавононро бо рафто
ри хатарзои сексӣ: алоӄаҳои бетартиби ҷинсӣ ва ҷимои бемуҳофиза (берифола) алоӄаманд медонанд. Аммо, ба гумони камтарини муаллиф, сабабҳои чуӄуртаре низ вуҷуд доранд, ки онро дараҷаи пасти маданияти рӯҳонӣ ё худ бемаънавиятӣ гуфтан мумкин аст.
Яке аз нобиғаҳои бузурги миллатамон, табиби ҳозиӄ, Муҳаммад Закариёи Розӣ (асри X) мафҳуми «Нафси аммора», яъне нафси амркунандаро дар китобашон «Тибби руҳонӣ» истифода бурдаанд. Дар урфият мафҳумҳои «Нафси боло» ва «Нафси поён» мавриди истифода ҳастанд, ки аслан ӄисмҳои таркибии нафси аммора мебошанд. Касалиҳои бо роҳи ҷинсӣ гузаранда (КБРҶГ) дар сурате ба ҷавонон мегузаранд, агар онҳо зердасти нафси поён бошанд. Ҳаким Розӣ дар китобашон мегӯянд, ки малоикаҳо хирад доранд, аммо нафси аммора надоранд. Аз ин сабаб, гуноҳ накардан барояшон шарафе буда наметавонад. Ҳайвонҳо танҳо нафс доранду хирад надоранд. Аз ин сабаб амалҳои зери таъсири нафс иҷро кардаи онҳоро гуноҳ ҳисобидан раво нест. Дар муӄобили онҳо, инсон, ҳам соҳиби хирад асту ҳам соҳиби нафс, ҳам дорандаи нафси кайвонӣ ва ҳам нафси ҳайвонӣ мебошад. Рисолат, яъне вазифаи аввалиндараҷаи инсонро, ҳаким Розӣ дар зердаст намудани нафси аммора мебинанд. Яъне, ҳар як амали инсонро на нафс, балки хирад бояд роҳбар бошад ва шиори «Чаро оӄил кунад коре, ки боз орад пушаймони?» барои хар як шахс бояд шиори зиндагӣ бошад.
Лозим ба ёдоварист, ки баъзе аз амалҳои номатлуб дар ҳолати мастӣ ба амал мепайвандад. Яъне, шаробу водка ва дигар воситаҳои мадҳушкунанда ӄувваи аӄлу хирадро коста, ӄувваи нафси аммора, ӄувваи шаҳвониро ба маротиб боло мебарад. Чи хеле, ки дар урфият мегӯянд: «Араӄ ба мастӣ мебарад, мастӣ ба пастӣ мебарад». Пас даст кашидан аз ин одатҳои бад сад дар сад мувофиӄи маӄсад буда, роҳи пешгирии сироят мебошад.
Аз гуфтаҳои болоӣ бармеояд, ки роҳи осонтарини пешгирии сирояти касалиҳои гузарандаи ҷинсӣ дар хотир нигоҳ доштани рисолати инсонӣ ва таъмини рушди аӄлониву хирад мебошад. Барои ин, дар катори гизои чисмони, инчунин гизои рухиро низ истеъмо намудан мувофики матлаб мебошад. Андӯхтани донишу малакаҳои нав, омӯхтани забонҳо, тамошои ҷойҳои таърихӣ, наззораи зебогиҳои табиат, санъати меъморӣ, расмҳо, сӯҳбати одамони ҷаҳондидаву хирадманд, хондани шеърҳои дилчаспу, ҳикояҳои тарбиявӣ, тамошои асарҳои театрӣ ва филмҳои пурмаънову музейҳо ва монанди онҳо барои расидан ба ҳамин максад хизмат менамоянд.
Хондани одобномаҳои классикӣ, ба монанди Пирузинома, Футувватномаи султонӣ, Ахлоӄи Мӯҳсинӣ, Ӄобуснома, Калила ва Димна, Баҳористон, Гулистон ва монанди онҳо, инчунин адабиёти тарбияткундаи аврупоӣ (мас. Мишель Монтень) ва рус (Толстой, Достоевский) барои рушди хираду зердаст намудани нафси аммора ёрӣ расонида метавонад.
Пайғомбарамон Муҳаммад (с) дар яке аз ҳадисҳояшон гуфтаанд, ки ҷавонон дар идораи нафс метавонанд аз рӯзадорӣ истифода баранд. Тибби халӄӣ, ки ба назарияи мизоҷ асос ёфтааст, тавсия медиҳад, ки ғизои мизоҷаш гарм нафси поёниро ӄувва медиҳад ва мизоҷаш хунук баръакс. Чи хеле, ки маълум аст, хӯрокҳои зиребонида, гӯшти гӯсфанд, асал, чормаѓз табиати гарм доранд ва кабудиву меваҷоту сабзавоту ҷурѓот мизоҷашон хунук мебошад.
Меҳнати ҷисмонӣ ва машӄҳои ҷисмонӣ ҳам барои идора кардани нафси аммора ёрӣ расонида метавонанд, зеро хастагии ҷисм нафси аммораро низ заиф мегардонад.
Пайдо шудани талаботи ҷинсӣ ё худ шаҳвонӣ дар ҷавонон худ як амри табиист, аммо беидора гузоштани он, ба фармони нафси поёниву болоӣ сар фаровардан касро ба оӄибатҳои нохуб оварда метавонад.
Як роҳи дигари идораи нафс оиладоршавӣ мебошад. Чи хеле, ки Расули Акрам (с) гуфтаанд, «дар ҷавонони муҷаррад хатаре ҳаст». Яъне ҳаддалимкон тезтар хонадор намудани ҷавонон низ аз роҳои муассири пешгирӣ аз рафтори номатлуб мебошад.
Дар дини мубини Ислом ба мафҳумҳои «ҳалол» ва «ҳаром» аҳамияти хосса дода мешавад. Ва ин мафҳумҳо маънои «Иҷозатшуда» ва «Манъшуда» доранд. Бояд дар хотир дошт, к муносибатҳои ҷинсии берун аз оила, берун аз никоҳ, мамнӯъ, яъне ҳаром мебошад. Инчунин машруботҳои спиртиву моддаҳои дигари масткунанда ва тамоку ҳаром дониста шудаанд. Риояи талаботҳои оварда шуда метавонанд кафили пешгирӣ аз сирояти як ӄатор касалиҳои бо роҳи ҷинсӣ гузаранда бошанд.

 

Подробнее ...
Подписаться на этот канал RSS